Perimsen, gülüm Şiiri - Sevinc Arzulu

Hicranla bərk dostam, rəfiqəm nədən.
Ziyası qaralmış əqiqəm nədən.
Mən sənin sevincli dəqiqən, nədən,
Sən mənim ağrılı yerimsən, gülüm.

Sən həyat bağından çiçək yığmayan,
Vüsalın bir anlıq əlin sıxmayan.
Min sətrə, misraya, bəndə sığmayan,
Hələ yazılmamış şeirimsən,gülüm.

Duyğular içində bəzən azıram,
Könüllü ölümə belə hazıram.
Sənin həsrətindən şeir yazıram,
Mənim ilham adlı pərimsən, gülüm.