Peleng içinde Şiiri - Sevinc Arzulu

Mən sənsiz ölmürəm ki ,
Kədəri bölmürəm ki,
Tərpənə bilmirəm ki,
Həsrətin əlindəyəm.

Dalıb apardı məni,
Çalıb apardı məni.
Alıb apardı məni.
Möhnətin elindəyəm.

Qaralmış qovağında,
Saralmış budağında,
Tənqidin dodağında,
Töhmətin dilindəyəm.

Dünya həmin həmin də,
Fərəhində,qəmində.
Muğamatın bəmində,
Nəğmənin zilindəyəm.

Qonaq qalam bürcündə,
Seyrə dalam bürcündə.
Şirin qala bürcündə,
Pələngin ilindəyəm.
29.04.2019