Payîz Şiiri - Latif Epözdemir

PAYÎZ
Payîze,
Payîzek zer,
Kulîlk li daran bêmecalin,pel bêkeys u fesal;
Yek bi yek der bi derin,
Ji belengazîya min re
Histêrên min bêkes u hestên min penaberin,
Ji sed dilopan, yek ave, not u neh keserin,
Dil ketîye giryanê
Payîz dîsa lê rakirîye fermanê.
Ez bayêkim îro li çîyayê Şengalê,
Bayêkê bêmefer,
Bêhna xwînê dagirtîye seranser,
Xwîna bêpar ji jînê,
Xwîn a ku derî digre li evînê;
Ez bayêkê melûl im
Xwezayê dihejînim,
Hêvîyan vedijînim sehara sibê,
Hêvîya jîyanê,
Hêvîya lipê manê..
Ez bayêkê sêwî u bitenê
Mina pergalek payîzê digrim şînê,
Li ser terme belengazan dikim baweşînê.
Ez bayêkê rengezerim,hemdemê payîzê,
Di nav singê Şengalê rêwengî u piyade
Mirin j imin dur nabî, jîyan dev ji min bernade.