Paxıllar Şiiri - Sevinc Arzulu

Bir az özündən danış,
Qədərinlə gəl barış.
Sevinəcək dost-tanış,
Patlayacaq paxıllar.

Manatın yoxluğundan,
Qəpiyin toxluğundan,
Pulların çoxluğundan,
Çartlayacaq daxıllar.

Bax közərən közlərə,
Işıq verir gözlərə.
Inanma yad sözlərə,
Bizə böhtan yaxırlar.

Ay məhəllə uşağı,
Bax eyvandan aşağı.
Görən tək göy qurşağı,
Şimşək olub çaxırlar.

Gül camallı görəndə,
Qeylü-qallı görəndə.
Varlı-hallı görəndə,
Əriyibən axırlar.