Paslanmış yaddaş Şiiri - Sevinc Arzulu

Bulud qar yuxudan oyanıb gedər,.
Gedər istəklərin bitdiyi yerə.
Gah mavi, gah qara boyanıb gedər,
Gedər nəm rənglərin bitdiyi yerə.

Əsəbdən qaralan şişman buludlar,
Çökür,şəhərimin üstünə çökür.
Xəyal oylağıma düşmən ümidlər,
Sökür qəhərimi, içindən sökür.

Tanrının istəyi, arzusu qədər,
Üz tutub gedirəm sonuna kimi.
Bunca göz yaşları getdimi hədər,
Bir nakam sevginin sonu var kimi.

Izləyir küləklər addımbaddım,
Hisslərim köksümə sığışmır, neynim.
Yaxşınının üstündə yazılıb adı,
Pislərim özünə yığışmır, neynim.

Qaralmış toxumu göy çəmənlərə,
Səpərlər ümidin göz yaşı kimi.
Saralmış xatirən itər beynimdən,
Xəyalın paslanmış yaddaşı kimi.
26.04.2018