Özge qemi Şiiri - Sevinc Arzulu

Bu bir zaman kəsimi,
Ayrılıqlar bəsimi?
Əsər bahar nəsimi,
Qurudar gözdə nəmi.

Dərsim Xocadan gəlsin,
Ruzim bacadan gəlsin.
Səsim ucadan gəlsin,
Neynirəm sözdə bəmi.

Özünə tay istəyir,
Şipşirin pay istəyir.
Ürəyim çay istəyir,
Alarmı közdə dəmi.

Dərin quyu deyil ki,
Hayı ,huyu deyil ki.
Bulaq suyu deyil ki,
Dəyişib özdə təmi.

Çəndəyəm, dumandayam.
Bəlkədə, gümandayam.
Elə həssas andayam,
Ağladar özgə qəmi.