Ozan heyatım Şiiri - Sevinc Arzulu

Viran oldu binəcə,
Kədər qəmdə sinəcə.
Hər şeyi tərsinəcə,
Yaman yozan həyatım.

Məhəbbətsiz ötməz ki,
Sədaqəti itməz ki.
Söz-söhbəti bitməz ki,
Aşıq, ozan həyatım.

Duyaq gözəl ününü,
Alqışlayaq dününü.
Sənin qara gününü,
Varmı pozan, həyatım.

Köç edər qərib karvan,
Başında durmur sarvan.
Nədən deyil al-əlvan,
Məni üzən həyatım.

Taleyin zopası çox,
Hər zərbəsi acı ox.
Sevdalı gününə çox,
Ağız büzən, həyatım.