Oyanım, gülüm Şiiri - Sevinc Arzulu

Mən səni itirdim.Tapa bilmərəm,
Arayıb-axtarsam dünyanı,gülüm.
Sən yoxsan,ürəkdən bir də gülmərəm,
Olmayacaq məni duyanım,gülüm.

Bu dünyada görən kimdir ən yazıq,
Çiskinsiz qarıyan duman,çən yazıq.
Özün söylə,axı necə mən yazıq,
Bu həsrətə dözüm,dayanım,gülüm.

Kimsə verməz daha mənə təsəlli,
Sinəm olub yanar vülkan məsəlli.
Hamı tutub bu dünyadan beşəlli.
Bir sənsən həyatdan doyanım,gülüm.

Tək özümü qarsır könül yanğısı,
Səslənir bax “Bayatı-Şur”çalğısı.
Aparanda məni həsrət ağrısı,
Izn ver.nuruna boyanım,gülüm.

Acı kədər bəxş eylədin Sevincə,
Bilməyirsən əzab çəkirəm necə.
Əgər girsən sən yuxuma bu gecə,
Çətin bir də səhər oyanım.gülüm.