Oyandım Şiiri - Sevinc Arzulu

Oyandım bu səhər,
Içimdə apacı bir qəhər.
Nə uda bilirəm qəhəri,
Nə də seyr edirəm şəhəri.

Yağışın soyuğu
Gözümdən süzülür.
Şeirlər birbəbir
Vərəqə düzülür.

Intizar baxışlar
Yollardan yığışmır.
Hərfdən naxışlar
Dəftərə sığışmır.

Könlümün laylası
Daha xoş səslənmir.
Qırılıb aynası,
Bəzənib süslənmir.

Qaldıra bilmirəm
Mən bunca ağırı.
Kim möhtac edibdir
Zalıma fağırı.

Çor dəydi kalıma,
Ümidi bağlama.
Bax da yan halıma,
Qəhərlən.Ağlama