Oyan Bozqurd.! Şiiri - Afiq Ağdamlı

Sənin ki, yurd yerin Tanrıdağdadır,
Varlığın, mənliyin o torpaqdadır..
Qürurun özündən çox uzaqdadır,
Oyan, Bozqurd! Çıx get şəhər bağından..!

Tərk et qəlbindəki qara qorxunu,
Tapşırma yadlara Qutlu Ruhunu,
Qov artıq gözündən vaxtsız yuxunu,
Oyan, Bozqurd! Çıx get şəhər bağından..!

Bezmisən həyatın yoxuşlarından,
Köləlik oxunur baxışlarından..
Utan o tökdüyün göz yaşlarından,
Oyan, Bozqurd! Çıx get şəhər bağından..!

Sən yurddan gedəli yurd bölük-bölük,
Uca bir dağ ikən susuz bir çölük..
Türkün törəsində yoxdur köləlik,
Oyan, Bozqurd! Çıx get şəhər bağından..!

Tülkü, çaqqal dolu hər yanın sənin,
Onlarla savaşdır hər anın sənin..
Yoluna həsrətdir Turanın sənin,
Oyan, Bozqurd! Çıx get şəhər bağından..!

Dünya sənə düşmən, barışmaz, oyan!
Kimsə dərdlərini soruşmaz, oyan!
Yenilmək Türklərə yaraşmaz, oyan!
Oyan, Bozqurd! Çıx get şəhər bağından..!

A. Ağdamlı (Qarabağsız Qarabağlı)