Oyan Ata Şiiri - Sevinc Arzulu

Görüşümüz toy-düyündü,
Qulağımda son ünündü.
Bu gün sənin ad günündü,
Oyan Ata, oyan Ata.

Həsrətəm bircə zənginə,
Düşdün fələyin cənginə.
Sən də günəşin rənginə,
Boyan Ata, boyan Ata.

Boylan soyuq məzarından,
Danış hali-güzarından.
Bu dünyanın əzabından,
Doyan Ata, doyan Ata.

Kədərimi böləcəyəm,
Göz yaşımı siləcəyəm.
Görüşünə gələcəyəm,
Dayan Ata, dayan Ata.

Susuz gül tək soluxmuşam,
Tək qalıban karıxmışam.
Mənim üçün darıxmısan,
Əyan ata,əyan Ata.
03.04.2019