Oxunum Şiiri - Sevinc Arzulu

Ah, saçlarım necə sarı,
Almıram heç vecə xarı.
Günün biri, gecə yarı,
Qapı döysə şər, yox olum.

De.kimlərdən kəsirsən sən.
Hekayəsən, nəsirsən sən.
Həyəcandan əsirsən sən,
Gəl ay mənim tər qoxulum.

Sevgini ürək apardı,
Xoş arzu, dilək apardı.
Azını külək apardı,
Qanadını gər, çoxunum.

Günəş bəxş edən şüamsan,
Allahıma xoş duamsan.
Sən mənim tale puamsan,
Fırlanmasın pər,toxunum,

Nə qaranlıq keçmişim var,
Nə də ki pis vərdişim var.
Quru yerdə nə işim var
Xalı-xalça sər, oxunum.