Oxu vurulub Şiiri - Sevinc Arzulu

Nəmlənmiş şəklini əlimlə silləm,
Daha da ucalar qalxdığım pilləm.
“Səni qısqanmaram”- desən də billəm,
Könlünə qısqanclıq oxu vurulub.

Çəkib ayrılığın qüssə qəlyanın,
Başıma dar etdin geniş dünyanı.
Deyən qarışdırdın yenə röyanı,
Masmavi gözündə yuxu durulub.

Ah, ucsuz-bucaqsız bir fəzamı göy,
Ayrılıq mənimçün sərt cəzamı? Öy.
Sən də gəl, ərk edib darvazamı döy,
Eh, bizim tərəfə çoxu burulub.