Ovutmayır Şiiri - Sevinc Arzulu

Gedirəm ayaqyalın,
Dağlar, salamat qalın.
Başımdakı xəyalın
Məni heç ovutmayır.

Əkdim sevgi toxumu,
Su verəni yoxumu?
Ətirimi, qoxumu,
Gül-çiçək unutmayır.

Qaya kimi sərt dostum,
Görməyəsən dərd, dostum.
Qəlbi gözəl, mərd dostum,
Məni ucuz tutmayır.

Xaraba viranələr,
Içində divanələr.
Mahnılar, təranələr,
Dərdimi uyutmayır.

Gəldin sən ha, xatirə,
Gördün çən ha, xatirə.
Yalqız,tənha xatirən,
Vüsalı ayıltmayır.