Ovuduram, dostum Şiiri - Sevinc Arzulu

Dərdi sənlik edər zaman.
Ömrü tənlik edər zaman.
Yaman şənlik edər zaman.
Qəmi quruduram,dostum.

Duran qəlbi yar, məqamda,
Orda nələr var məqamda.
Çətin gündə, dar məqamda
Sənə tutunuram, dostum.

Sənsiz yoxdur bir həyanım,
Anlayanım və duyanım.
Yadıma düşsən dünyanı,
Sanki unuduram, dostum.

Arzular qəlbdə boy atır,
Nə təzəsi,nə boyatı.
Söylə, bu zalım həyatı,
Ucuzmu tuturam, dostam.

Yağdırmam köz yağışımı,
Bilən yoxdur söz yaşımı.
Axıtmayım göz yaşını,
Qəhəri uduram, dostum.

Uduzduz eşq oyununda,
Ya bəxt deyib ovunun da.
Vüsalın isti qoynunda,
Dərdi uyuduram dostum.

Nə işim var məlallarla,
Humayla, Cəlallarla.
Isti-soyuq xəyallarla,
Özmü ovuduram, dostum.