Orhan Erol: Hayatı, Biyografisi, Eserler ...

Şairin Hayatı İle İlgili Bir Bilgi Girilmemiş

Eserleri

Keçê delalê şopdarê evîneke bê hempa me
Di dilê demê da li digerim li wan çîya asêda
Evîneke din û hare xwedî yê xwe kuştîye
rêça xwe bi xwîyna evîndara pey hîştîye
Min ber bi xwe va dikişîne
Pêtek ji agêre di dîlana vîyan û semayan
Di dilê hezaran dewrêş û edûlanda şax vedaye
Di kenê zarokê reng qemerda veşartîye
Bi sê tîpê zêrîn nivîsandîye
Romenek bê davî ye evîneke çîyayî.
delalê

Lewêko delalo evîn ezim
Çîya û gerdûn ezim çîyayê araratim
Xemla bûkanîyê li xwe kirîye
Bi kûlîyên berfê çavên xwe kilkirîye
Komê keç û xortan der û dora min
dîlan girtîye bi qîrîneke azadîye
Û bangewazîke berxwedanê û bi tîlîlîya
Pêşwazîdikim hatina demsala biharê
xweza ezim jin ezim û jîyan ezim
pêşengê romana bê davî ezim
Zîlanim di naw dîlê dijminda erd hej û lerzim.
lawêko

keçê delalê dil bûye kelepûra serhildana
Sînora nasnake carna li mihabadê qada çarçira
carna jî derbasdibe werê mem û zînê
carna jî li warê dewrêşê evdî û edûla yê
carna jî dibe rêwîye dersîm ê
carna jî li ser pişta hespê rehwan dibeze
Li zozanê feraşînê û cîlo çarçela
evîneke dîn û hare xeleqek ji agire
Dişawîtîne û dihelîne dilê keç û xortan
delalê

Lewêko delalo xeleqa ji agir ezim
Tola pênc hezar salan û kombûna
Raperîna hemû demên bêdeng ezim
Rîroziya min ji dîrokê tê heqîqet ezim
Qêrîneke azadîye me sînora nasnakim
Li qada çarçêra heya amdê wesîyeta
Qazî mêhemed şêx seyît û seyît riza me
Li warê besê û zarîfe rêwîya heqîqetime
Ez cudî gebar û cîlo çarçelame
Stargeha hemû evîndarên çîyame