Öpüm, gedirem Şiiri - Sevinc Arzulu

Ayrılıq edibdir bir təhər məni,
Gizlicə boğur, bax, lal qəhər məni.
Bezdirib sonunda bu şəhər məni,
Izn ver, gözündən öpüm, gedirəm.

Həsrətin özüylə yollaşıb deyə,
Hicran vüsal ilə dalaşıb döyər.
Sənin taleyinə dolaşıb deyə,
Açacam bəxtimin ipin, gedirəm.

O üzdə yamyaşıl dünlərim qalıb,
O düzdə yanıqlı ünlərim qalıb.
Mənim də sanılı günlərim qalıb,
Bomboşdur yaşamın küpü, gedirəm.