Ömrümün Şiiri - Sevinc Arzulu

Ürək bu acıya gətirərmi tab,
Dayanıb baxıram, etmirəm xitab.
Neçə şeir-qəzəl, neçə cild kitab,
Qalıb deyilməmiş sözü ömrümün.

Bu gecə mələklər göydən enibdir,
Deyəsən fələyin çərxi dönübdür.
Əziz dost, sanma ki artıq sönübdür,
Hələ alışacaq közü ömrümün.

Kədərlə anaraq daha nələri,
Sirli nağılları, əfsanələri.
Qəlbini titrədər xatirələri,
Arxada qalıbmış gözü ömrümün.

Insanın başında görümnəz tac var,
Deyirlər hər dərdə min bir əlac var.
Şeirə, qəzələ nə ehtiyac var,
Dillərdə dastandır özü ömrümün.