Olmadım ki kimsenin Şiiri - Sevinc Arzulu

Bu qədərmi unutmusan sən məni,
Bu qədərmi unutqan oldun yəni?
Kim olmuş ki sevgimizə kim, qənim.
Səndən sonra olmadım ki kimsənin.

Dostum, yenə gətiribdir söz-sözü,
Yəqin bir gün alışdırar köz- közü.
Eh, burada görməyir ki göz-gözü,
Önümüzə kim səribdir kim, çəni.

Qoşa çaylar bir-birinə qarışmır,
Küsüşüblər.Taleləri barışmır.
Əvvəlki tək günəş ilə yarışmır,
Sarı saçda artırıbdır kim dəni...