Ölen üreyim Şiiri - Sevinc Arzulu

Dünyaya gəlişim sevinc gətirdi,
Dərdini özüylə bölən ürəyim.
Sevdanı tez tapdın, tez də itirdin,
Onunla birlikdə ölən ürəyim.

Ilk məhəbbət yaddan çıxmaz heç zaman,
Başıma gəlibdir qəlbimə daman.
Ayrılıq olubdur daimi mehman,
Sünbül tək saralıb solan ürəyim.

Dönüb keçmişinə bax həzin-həzin,
Şimşək ol səmada çax həzin-həzin.
Nəğmə tək könlümə ax həziz-həzin,
Bulud tək boşalıb dolan ürəyim.

Acı xatirələr düşər yadıma,
Kimsə çata bilməz o an dadıma.
Əskiklik gətirməz heç vaxt adıma,
Qəmlərə nişangah olan ürəyim.

Işin yoxdur sənin yalan-palanla,
Dost olmazsan elə lərzə salanla.
Gedəndən əlini üz sən.qalanla,
Söyüdün telini yolan ürəyim.