Ölen kimi Şiiri - Sevinc Arzulu

Hər sözümüz bir idi,
Kimsə bilməz sirr idi.
Gülüm, nə tez kiridin,
Göz yaşın silən kimi.

Nədir sənin bu halın,
Yatıb qalıb xəyalın.
Dinləyirsən sualı,
Cavabın bilən kimi.

Saçlarıma düşüb dən,
Demək qocalıram mən.
Rahatlanarsanmı sən,
Dünyanı bölən kimi.

Sübhün gözü oyandı,
Işıqdanmı doyandı.
Dünya nura boyandı,
Masmavi şölən kimi.

Atəş, oddan çıxaram.
Gizlin koddan çıxaram.
Görən yaddan çıxaram,
Yıxılıb ölən kimi.