Olanım menim Şiiri - Sevinc Arzulu

Qəlb ağlar telində dəni görəndə,
Üzünü bürümüş çəni görəndə.
Elə ki rastlaşdıq, məni görəndə
Sevincdən gözləri dolanım mənim.

Məhəbbət nemətdir şirin pay kimi,
Məcraya sığmayır dəli çay kimi.
Gör necə uzaqsan günəş -ay kimi,
Ayrılıq əlindən solanım mənim.

Nisgilli könlümə saçmadın ətir,
Mənim qəm bağımda yad bülbül ötür.
İstərsən xara ver ,istərsən götür,
Neynəyim,tək budur olanım mənim.