Olan vaxtıdır Şiiri - Sevinc Arzulu

Ömrümü yolunda bir çıraq etdim,
Indusə ziyamın solan vaxtıdır.
Kədəri gözündən mən iraq etdim,
Qüssədən gözümün dolan vaxtıdır.

Həmişə yamyaşıl, hər vaxt xoş dəmli,
Su içir Arazdan gözləri nəmli.
Yenə dayanıbdır qüssəli,qəmli,
Söyüdün saçını yolan vaxtıdır.

Daha bircə kəlmə söz də göndərmə.
Həsrətə tab edib döz də, göndərmə.
Sönən ocağımçun köz də göndərmə,
Sevincin qaynana olan vaxtıdır.