Ol Yüz Midür Ya Tâze Gül-istân Mıdur Nedür

Ol yüz midür ya tâze gül-istân mıdur nedür
Ol saç mıdur ya deste-i reyhân mıdur nedür

Ol hâl mi lebüñde yâ-hûœ Hızr-ı sebze-pûş
Agız mı ol ya çeşme-i hayvân mıdur nedür

Ol göz midür ya nergis-i ranâ mı iy aceb
Ol kad mıdur ya serv-i hırâmân mıdur nedür

Diş mi-durur bu lutf-ıla yâ gûher-i Aden
Ol leb midür ya lal-i Beœahşân mıdur nedür

Ol gamze mi ya âfet-i îmân u akl u dil
Ol kaş mıdur ya kıble-geh-i cân mıdur nedür

Odlar yanar içümde bu dûzah mı bilmezem
Durmaz ahar gözüm yaşı tûfân mıdur nedür

Bu Ahmedî midür ya hakîm-i güher-fürûş
Bu söz midür ya hikmet-i Yunân mıdur nedür