Ocaq Ömrümü Şiiri - Sevinc Arzulu

Küsübdür xəyalım.Dindirə billəm,
Fərəhi tərkinə mindirə billəm.
Söylə, necə yerə endirə billəm
Ildırım sürətli qaçaq ömrümü.

Yağı düşmən ilə çıxanda cəngə,
Qoymazdı yolunda qala bir əngəl.
Eh, kimlər eylədi özütək tənbəl,
Mənim tək zəhmətkeş, qoçaq ömrümü.

Yenə də insanlıq ağ-qara geyib,
Sevərək sevilmək deyil ki eyib.
O zalım fələyə Tanrım, nə deyim
Su töküb söndürdü ocaq ömrümü.