Kür kimi kükrəyib hərdən daşırsan,
Bəndi dağıdırsan,, həddi aşırsan.
Sən elə əsirsən, elə coşursan,
Payızın qudurmuş küləyi kimi.
Nəvəsi nənədən qoğal istəyir,
Bir qədər ərköyün, cığal istəyir.
Sənin də əllərin sığal istəyir,
Oturmuş yalqızın kürəyi kimi.
Getdiyin yolların sonu görünür,
Kamına çatmaqla insan öyünür.
Necə də sürətlə nəbzim döyünür,
Tək durmuş o qızın ürəyi kimi.
Kayıt Tarihi : 7.1.2023 18:59:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!