O dünyanı Şiiri - Sevinc Arzulu

Fələk əlin usta sıxır,
Evim- böyrüstə yıxır.
Neynim səsim asta çıxır,
Bərk çağırsam gələrmisin.

Səndin mənim şirin sözüm,
Ürəyimdə qalan közüm.
Görmür daha ala gözüm,
Başıma nur ələrmisin.

Demə ki yaram köhnədir,
Yeri yamanca göynədir.
İntizarım çox körpədir,
Onu qalın bələrmisin.

Son vidanı nədən etdin,
Fələyin kamına yetdin.
Özün üçün öldün, getdin
Mənim üçün ölərmisin.

Yaraları sarımadıq,
Ayrılığı darımadıq.
Bu dünyadan yarımadıq,
O dünyanı bölərmisin.