Neynediniz Şiiri - Sevinc Arzulu

Həsrət yandırıb közümü,
Azaldıb səbri-dözümü.
Tapammıram heç özümü,
Dağlar, məni neynədiniz.

Yaddaşımda pis qalıbdır
Acı təmli hiss qalıbdır.
Görürsənmi, sis qalıbdır,
Ağlar.Çəni neynədiniz.

Yalanlar durubdur üzə
Doğrular səpilib düzə.
Çoxdandır keçmişəm “sizə”,
Sağlar, səni neynədiniz.

Ayrılıqlar gözdən itməz,
Sarı bülbül şən-şən ötməz.
Bilirəm ki daha bitməz,
Çağlar, dəni neynədiniz.