Neyin vardır Şiiri - Sevinc Arzulu

Görən nə dolaşır beynində sənin,
Fikrində-zikrində, eynində sənin.
Son dəfə görəndə əynində sənin,
Otlardan toxunmuş köynəyin vardı.

Çirklənsə parlamaz ləl-sədəfin də,
Tək mənəm fələyin ol hədəfində.
Ruhsuz bədənimin sol tərəfində,
Könlümü acıdan göynəyim vardır.

Həqiqət görmədim yalan sözündə,
Sönüb.Bir də yanmaz ocaq-közün də.
Yaxını görməyir daha gözün də,
Qəlbin tək qapqara eynəyin vardır.

Daha dinləmirəm əfsanələri,
Illər alıb gedib daha nələri.
Mənim itirməyə xatirələrim,
Sənin itirməyə eh, nəyin vardır.