Nesimi şeriyyeti Şiiri - Sevinc Arzulu

Əsir bahar nəsimi,
Ruhumuzu oxşayır.
İmaməddinNəsimi,
Ürəklərdə yaşayır.

Sözün bağrını dəlib,
Incə ruhlu kənkandı.
Əsrlərdir yol gəlir,
Həmişə laməkandır.

Nəsimi şeriyyəti.
Qəlbimizdə yurd salıb.
Düşmənin şəriyyəti,
Necə haqsız can alıb.

“Ənəlhəqq” söyləyənin,
Dərisini soydular.
Haqq kəlamı deyəni,
Yarı yolda qoydular.

Şair xalqa xidmətkar,
Boğmaq olmaz səsini.
Tökdüyü nahaq qanlar,
Üləmanın bəsimi?

Haqq dünyaya köçsə də,
Eşidirik səsini.
Yüz illiklər keçsə də,
Yaşar qəlbdə Nəsimi.

Mən Şirvanın övladı,
O ellərin qızıyam.
Könlümdə şeyxin adı,
Atəşinə qızınam.
12.04.2019