Nes ağlayır Şiiri - Sevinc Arzulu

Dostları yığ bir araya,
Bəlkə işinə yaraya.
Çölümdəki hay-haraya,
Içimdəki səs ağlayır.

Hanı könül sirdaşlarım,
Bacılarım, qardaşlarım.
Sel tək axır göz yaşları,
Məni duyan kəs ağlayır.

Sən qəlbimdə əlvan zehim,
Gül üstündə parlaq şehim.
Gəl ay mənim sərin mehim,
Başım üstdə əs, ağlayır.

Həsrət döyər dizinəcə,
Düşər hicrin izinəcə.
Vüsal ağlar düzünəcə,
Ayrılığın nəs ağlayır.

Ya quş kimi çöldə səkmək,
Ya səhrada çiçək əkmək..
Eh, bu qədər əzab çəkmək,
Heç deyilmi bəs, ağlayır.