Nerdesin Şiiri - Dr İlhame Müslümova

Hardasan…

İntizarın asılıbdı gözümdən,
Ey ruhumun həzin səsi, hardasan?
Can yoldaşım, çox sevdiyim özümdən,
Qəlbimin ən yaxın kəsi, hardasan?

Ömrün yolu qaralıdı, ağlıdı,
Sinəm sənin həsrətinlə dağlıdı…
Sənsiz qəlbim sevgilərə bağlıdı,
Ürəyimin eşq həvəsi, hardasan?

Həsrət yatır kipriyimdə, qaşımda,
Şəklin durur gözlərimin yaşında,
Adın gəlir hər sözümün başında,
Dilimin ən şah kəlməsi, hardasan?

Gəl ki söndür atəşimin közünü,
Bircə dəfə gəlsən… görsəm üzünü…
Ölürəmeee , çatdır mənə özünü…
Bu canımın son nəfəsi, hardasan?!