Neme emre mıno
Zaferi tı serde şi
Ustuna pırnıka mı zıqıtnena
Deste mı tevezine
Çime mı raya ra mat mendi
Emşo ki ne qesi tı ser amayi vatene
Tı ser amayi vatene qes u klami
Şanıki to ser diyayi gıre kuli
Ruto rebal mendo teyna
Tıramiya adıri ki şiye
Guciga teverde paka çiko
Astari bereqine
Warwayi vejiyo
Taye biyo hira
Aşme ze çıla lel kena
Uskura zulmeta tuti heşar niyo
Emşo ki hetani şodır çımane mide biya
Çımane mı ver de xeyali
Çımane mı ver de roce rındi
Pergale emre mi şikiyayi be to
To şiya ne cayi weran
Caye to şenatiya
Çinbiyayena to adıro gur
Cigere xaş kena
Tele temburi ki vısiyayi
Kesreta mıre çiye damiş nebeno
Kes le mı de diyax ne keno
Şine mi zeleqino cigerane şari ra
Derde mı be dermano
Ze derguşi xo de çarneno
Çinbiyayena to de beno pil
Emşo ki ne qesi tı ser amayi vatene
24.01.2016
Mutlu Esfer FıratKayıt Tarihi : 20.5.2017 20:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!