Nece unudum Şiiri - Sevinc Arzulu

Yol getməm naşı ilə,
Söz der göz-qaşı ilə.
Gözümün yaşı ilə
Əl-üzümü mən yudum.
Səni necə unudum.

Sən idin eynimdəcə,
Libasın əynimdəcə.
Eləcə beynimdəcə,
Xəyalını uyudum,
Səni necə unudum.

Gözəl ehtişam olsun,
Əriyən ağ şam olsun,
Gün getsin, axşam olsun,
Su içim bircə udum.
Səni necə unudum.

Yaxşılıqlar süslənib,
Yamanlıqlar pislənib.
Kipriklərim islanıb,
Harda sərib-qurudum.
Səni necə unudum.

Qucaqlayıb pirimi,
Anım ölü-dirimi.
Xatirələr kirimir,
Bilməm necə ovudum.
Səni necə unudum.