Ne deyim ki. Şiiri - Sevinc Arzulu

Indi sənə nə söyləyim, nə deyim,
Gələmmədim bu baharda, bağışla.
Soyunmuşam varlığımı.Nə geyim?
Titrəyirəm atəş yağan baxışdan,

Son baharın ilk bahardan fərqi yox,
Gəncliyinə qayıtmaz ki qocalıq.
Bu diyarın şimalı yox, şərqi yox,
Mavi rəngə boyatmaz ki ucalıq.

Qucaqlayıb qara ələm bayrağı,
Ayrılğın yollarına as, ağla.
Bucaqlayıb bir azca nəm torpağı,
Yaraların üstünəcə bas, ağla.

Məlhəm olar bəlkə könül yarama,
Ağrısın, acısını götürər.
Hazırlaşaq, dönəcəyik arana,
Dağlar bizi düzə qədər ötürər.

Sahmanını pozmayaq bu dünyanın,
Necə varsa eləcə də qalsın qoy.
Yuxusunu yozmayaq qu dünyanın,
Səmum yeli nəğməsini çalsın qoy.
11.04.2019