Nazê Nazê Dem Bihare Şiiri - Mehmet Çoba ...

Wargehê me bû gorîstan
Dilê me xem û derdîstan
Felek mala te helweşe
Bihar me re bû zivistan

Ey dilê min wisa nabe
Min derenge hayde rabe
Li ava çeman miçiqî
Wax her der min re xirabe

Ev çi hal e çi xopan e
Duxane ser bajaran e
Gulên axa me qetandin
Bi tankan û bi topan e

Li min keder û şewate
Êş û derdê min tewate
Bihar min re bû zivistan
Ne gul mane, ne nebate

Ey dilê min, dermanê min
Dîsa qetandin gula min
Li min mije min dûxane
Bihar bû zivistana min