Naxış çökecek Şiiri - Sevinc Arzulu

Bir ürəyim, bir sehirim, bir şaman,
Bir atım var, bir yəhərim, bir saman,
Inamı var bar verəcək bir zaman,
Səhradaca yaşıl ağac əkəcək.

Həmin dağdır, həmin dərə, həmin düz,
Maviliyə bürünübdür çəmən, düz.
Yaram üstə, dostum azca səpin duz.
Yandırmağı neçə müddət çəkəcək.

Ay günəşi, günəş ayı aradı,
Ay günəşin tellərini daradı.
Bu gecəmi ulduzların paradı,
Üzərimə minbir naxış çökəcək.

Gəzdim çölü, dağ-dərəni, aranı,
Tapammadım alagözlü Saranı.
Gün çıxacaq, yox edəcək qaranı,
Göydən yerə bəyaz alıqış tökəcək.

Gurlayacaq həm qılınclar əmudlar,
Azalacaq gələcəyə umudlar.
Göz yaşıyla dolu mavi buludlar,
Inləyibən köksüm altın sökəcək.