Narê Şiiri - Ercan Cengiz

Narê Narê
wêy Narê
zeracay cıkay
qê tore Narê
camerdi ma torê
damis nedanê
nöu mermıqi wurnai
tai qi carnay wellê
hona amay çendinı
adıre tore Narê,
pore to hona şau
bıne lecegıdı aseno
cıme todı qam esto
name to weciyo
aqıle to koyti dero
deşinidı fındı Narê
qêniqi qêdı monê.

K-21

Mozabı Mozıqa

Moza bı mozı qa
ame tê löu, amınaniyo
mozıqı mozara xulliya
moza serê mozıqıdı tadina

Şii amê qorto
mal hona gorridero
amınano
germê perrociyo
malê sıti arêşino
tışqi haylemo kayqenê
şane mali höyndero
quteqê xo dürridero...

Mozıqı areqê şaidera
vız ı vıza moza
wana tometı niya
mozıqıra goni gena,
mozıka dı bê carı
orte aminanidera
dılopa goni ena
angore tapula wenca
zondaina xo qi serra,
heybetonê mozara
nata bota dımoc sannara
benna dana peştiya xora.

K-20

Moro Şür

Moro dı şür
cımo caqın
quto olağo
qucoqodı
darino wê.

Derde xo cıko
qes nêzano
amo ma ser
goni vazeno

xorte serê
jüroqerdenayisa
perso bıqerê
xo wera meqerê
dırbetıno sa
adır weqerê.

Moro dı şür
cım zengın
dıdane xo
tüj qerdaiye
nê lau lau lau
no mor tal niyo
pe ê ni moridı
more belêqıni estê
cıme xo qamidero
mara qami geno
onca elenga qami
waydeno
nê lau lau lau

Hele berê peser
peşti bıde jübini
xebera xo jüqerê
öyro sodıro
boya xo wecina,
sıma çüst fındere
cımone xo yaqere
qara xo dı seyrqere
peyser memone.

K-19

Goliga Cıtı

Wanê qeetra gınayvaru
nayra tepa tal menay
serba to qarı çinniya
enay qara kami,

zımıstan nau ama
wora nacay zanay
ena çengone mordemo
kam to sebıkero.

Hürindiya to asena
caro qısaatı meqı
reşbêri nicau zane
herone şau
hürindiya goligodı
gıre nedane.

Waxte to ama
satêna usare to
rüe tora wecenê
heta goliga binire
daranewe.

To gene benne
xo topqı
wane kınare çemidı
worı herd negêna
to icadı werdenê

qudretê to qı menno
hata usari sonay
to goliga cıtay
heqa to nemana
rece sırso fındene.

K-13

Torê Savaci qı

Torê savaci qı guna to megêri
qunnay qı cımat xebera xo bızanı
xebera xo qı nezanay
uskut uskut ronisı
gos sernı.

Gosê xo rınd yakı
qam qı savano til mebı
dıma qi meso.

Torê savaci qı guna to megêri.

Angorê aqıle xoya
peşti danay qami sa
peşta xo herdra nêdarinawe
nai to rınd zanay.

Baqılay hasa, hasa qı hasa
ronistana to hêtêdera
ravistana to hêtêdı
xora sa benay
tore savaci qı

guna to torê bo
rocê ena senê hala bo
na baqılina to
elênga ma waydena ya...^

Guna to megèri
çepıqorê estay
tengıdı çinnay
teyna qı menday
zırcenay
zobi sê qenay
ez torê savaci
guna to torê bo
to vacı.

K-29

Pêrs

Meyitê ma
Serê tepıkoderê
Kam kami serro
Zaninımı
Qemera xoqı çinnibo
Dare dê xo qi esto
Ni mezêliqı
Feqê deroderê
E kami
Bewairi
Beqêşi
Qes nezano
Xêxe ma wanê
Roce ena
Nina itara
Urcenêra
Caro
Serê meyitora
Rai sona.

K-23