Nadana bax nadana Şiiri - Sevinc Arzulu

Var-dövləti qüdrət bilib,
Milyonunu sərvət bilib.
Əmr etməyi fürsət bilib,
Hökm eyləyən nadana bax.

Ələ baxıb ömrü boyu,
Özgələr eyləyib toyun.
Şirin narı burda qoyub,
Acı bibər dadana bax.

Get.dalınca su atım da,
Evin çölün suvatım da.
Çoxdan qalıb su altında,
Bir geri dön,adana bax.

Acılayıb qəlb qanadan,
Günləri bir-bir sanadan.
Yaman qorxur karonadan,
Sarımsağı udana bax.

Sevdiyi tək qar qız olub,
Yazda-yayda yalqız olub.
Külək vurub, pırpız olub,
Kolun üstü budana, bax.