Mülki şehid Şiiri - Sevinc Arzulu

Daha bir şəhid verdik,
Hərbçi də deyildi.
Şəhidlik libasını
Əyninəcə geyindi.

Yaş altmışı keçsə də,
Ruhu hələ cavandı.
Səfərəli kömək edən,
Dada yetən bir insandı.

Döyüşçü olmasa da,
Medalı da varıydı.
Təhlükəli yollarda,
Tanrı ona yarıydı.

Ekskavatoruyla,
Sadəcə yol çəkirdi.
Işində uğuruyla,
Zəfərə qol çəkirdi,

Erməni dığasının,
Gülləsinə tuş gəldi.
Ruhu uçub getsə də,
Yerinə ağ quş gəldi.

Bütün şəhidlərimizə,
Tanrı rəhmət eyləsin.
Qarı düşmənlərimizə
Daim lənət eyləsin.