Müks Kelîna Nav Dilane

Rê tune û dirb nemaye
Dil de kozirên xema ye
Sar û serma me qelibî
Mûks ji bin berfê de maye

Ev agirê nav dilane
Birîna gelên Kurdane
Berfende ye me re maye
Malan de şîn û şîvane

Roj dûmane, derd girane
Her der gelan re arane
Demsal me re qiyamete
Mirina me rêwîyane

Mûks kelîna nav dila ye
Ew navçeke rex Wan ê ye
Warê Feqîyê Teyran e
Bin berfê, tîpî yê de ye

Derdê ramyarîyan ray ye
Me re ne dirb ne rê heye
Ev ne bext e ne çarenûs
Û rê tune loma haye

Roj rêwîyan re mirîne
Li dayikan re girîne
Dewlet me re rê çênake
Ev derd me re pir girane

Mehme Çobanoglu
09.02.2020
Stenbol