Mübarekdir qedemi Şiiri - Sevinc Arzulu

Bulud şəkillər çəkir,
Səmada ceyran səkir.
Bilirəm ki min fikir,
Bircə borcu ödəmir.

Varmı arxa-dayağı,
Ümid duman sayağı.
Vəslin sınıb ayağı,,
Heç uzağa gedəmir.

Hanı ilham mələyim.
Söz nurunu ələyim.
Qulağı kar fələyin.
Dediyimi edəmir.

Dilimdə eşq kəlməsi,
Var vüsalın gəlməsi.
Ayrılığın həmləsi,
Qan-yaş edər didəmi.

Ara, axtar tez onu,
Anındaca sez onu.
Başlanıb toy sezonu,
Mübarəkdir qədəmi.