Mübarek gelir Şiiri - Sevinc Arzulu

Məni kəndirləyən hissiyat ki var,
Nə dəmir bilməyir, nə daş bilməyir.
Xarın ürəyində pis niyyət ki var,
Unutmam heç zaman.Yaddaş silməyir.

Sıcaq arzuların hərarətindən,
Odlana bilmirəm, yana bilmirəm.
Istərəm mən yarın məharətindən,
Onun tək sevgimi dana bilmirəm.

Dünyanın qəribə qanunları var,
Əməl etsən nolur, etməsən nolur.
Vüsalın qəribə ovsunları var,
Vəslə yetsən nolur, yetməsən nolur.

Bəzən kipriklərin aldadar səni,
Ayna qabağında bir-bir sanarsan.
Bəzən təbriklərin bal dadar sənin,
Görünməz atəşə, oda yanarsan.

Bəzən ildırımın şaqqıltısı da
Qulağa həzin bir nəğmə tək gəlir.
Bəzən durnaların qaqqıltısı da,
Insan övladına mübarək gəlir.