Mitinq eyleyer Şiiri - Sevinc Arzulu

Yumub qara gözlərin,
Deyiblər son sözlərin.
Bağlayaraq özlərin,
Yollar mitinq eyləyər.

Dərdini biləni yox,
Göz yaşın siləni yox.
Gedəni-gələni yox,
Yollar mitinq eyləyər.

Arazlaşıb, Kürləşib
Çirkinləşib, kirləşib.
Sonda möhkəm birləşib,
Yollar mitinq eyləyər.

Gah körpüdən keçərlər,
Gah tuneli seçərlər.
Əkiblər ki biçələr,
Yollar mitinq eyləyər.

Aldanmaz qəm nağlına,
Uymaz kədər nağlına.
Baxıb insan oğluna,
Yollar mitinq eyləyər.