Mîna Berfa Biharim Şiiri - Mehmet Çobanoğlu

Wek dara ber xizarim
Ez derdê sed hezarim
Jana min zehf girane
Salane ez bêzarim

Ez van derdan nikarim
Tim keser û xemdarim
Giran, giran dihelim
Mîna berfa biharim

Xem û kul paramine
Bêkesî qehra mine
Xezalê, lê delalê
Evînî derdê mine

Rojên xweş li min dûrin
Ji min re kêr û şûrin
Bi derdan perîşanim
Derê min derdê kûrin

Bêbextê ez jî canim
Ji welatê Kurd'anim
Li bo te ez bengînim
Evîndarê xizanim

Mehmet Çobanoglu
22.01.2020
Stanbol