Min Dilê Xwe Te Re Wekir

Kulilka nav kezaba min
Ji zorê me hevqetandin
Destê min de kelepçe ye
Kelepça min pir şidandin

Çavreşa min, delala min
Wele min pir bêrîya te kir
Vê girtîgeha tarî de
Min te re helbestek çêkir

Canê min û rebena min
Min dilê xwe te re vekir
Êdî dixwazim negirî
Min te re evînek geşkir

Gula deştan û zozanan
Wele bêşik û bêguman
Ez pir bêkêf û xemgînim
Her der min re bû mij, dûman

Hevala min, qîzapa min
Ji rojan e tim dinalim
Vê zîndana malxirab de
Ez nexweşim pir bêhalim

Mehmet Çobanoglu
28.02.2018
Silivri