Mest Olup Her Dem

İştiyak-ı ârızınla mest olup her dem sahâb
Benzedip gülzâra rûyun çekti üstüne nikâb.

Gülşeni şîrâb içun etrafa rahmet neşr edip
Çok zamanlardır çeker zevk-ı ruhundan ızdırab.

Nice yıldır ârızın şevkıyla sergerdan olup
Bir büyük sevdâya düşmüş hasretinden âftâb.

Gülşen-i kûyunda yandı âteş-i aşk ile dil
Bu acebdir yoğ iken cennette âteşten gurâb.

Şevket eyle mesleki tevfîk hükm-i dâdere
Gün olur kim ettiğin a’mâlı eyler hesab.