Menzeresiyem Şiiri - Sevinc Arzulu

Çətində həmdəmim, dayağım olsan,
Səhrada səpsərin bilağım olsan,
Çaşıb da qəfildən qonağım olsan,
Yoluna xalını mən sərəsiyəm.

Fələkn deyən sənə isti yanaşır,
Bu dostluq şəninə yaman yaraşır.
Ah, mənə baxanda gözün qamaşır
Nur saçan günəşin mən zərrəsiyəm.

Eh, neçə illərdir söz önündəyəm,
Özümü qarsıdan köz önündəyəm.
Maraqlı tablo tək göz önündəyəm,
Dünyanın ən gözəl mənzərəsiyəm.