Mensizliyi göreceksen Şiiri - Sevinc Arzulu

Bir gün ölsəm məzarımın başına,
Kimlər ilə gələcəksən,ay qızım.
Sığal çəkib qəbirüstü daşıma,
Qızılgüllər sərəcəksən,ay qızım.

Ruhum sənin yollarına çıxacaq,
Yavaşcadan əllərini sıxacaq.
Qanım sənin damarından axacaq,
Bəyaz çiçək dərəcəksən,ay qızım.

Körpə quş tək qəmgin-qəmgin ötərsən,
Tellərinə qara öpək örtərsən.
Darıxıban məni görmək istərsən,
Dərdə sinə gərəcəksən,ay qızım.

Ötəcəkdir yenə sona bülbüllər,
Saralıban töküləcək sünbüllər.
Açacaqdır qəbrim üstdə al güllər,
Əlvan çələng hörəcəksən,ay qızım

Öz-özünə axacaqdır göz yaşın,
Başın üstdə duracaqdır qardaşın.
O olacaq məndən sonra sirdaşın,
Mənsizliyi görəcəksən,ay qızım.