Menim üreyim Şiiri - Sevinc Arzulu

Dumanım, çiskinim, çənim ürəyim,
Olubdur tək mənə qənim ürəyim.
Yolunun üstündə güldən tökülən,
Mənim ürəyimdir, mənim ürəyim.

Qədrini bilərsən zaman keçdikcə,
Tapdayıb atmazsan kənara onu.
Həqiqət görünür duman keçdikcə,
Qoyma dəli külək apara onu.

Bilirsən, aparsa yetim qalarıq,
Təklikdən bağrımız çatlayar bizim.
Bir yerdə, birlikdə çətin olarıq,
Ayrılıq min yerə qatlayar bizi...